Қазақстаннан импортталатын тауарларға баж салығын салу: Тоқаев Трамптың хатына жауап жолдады
Опубликовано:
Мемлекет басшысы Қасым-Жомарт Тоқаев АҚШ президенті Дональд Трамптың Қазақстаннан импортталатын тауарларға баж салығын салу туралы хатына жауап жолдады. Бұл туралы Ақордаға сілтеме жасаған KAZ.NUR.KZ хабарлайды.
Хатта мемлекет басшысы Қазақстан Америка Құрама Штаттарының бұрыннан келе жатқан сенімді сауда әрі инвестициялық серіктесі ретінде әділ, түсінікті және өзара тиімді сауда байланыстарын дамытуға бейілділігін атап өткен.
Қазақстан президенті сауда мәселелері бойынша рационалды шешім әзірлеу мақсатында еліміздің конструктивті диалогты жалғастыруға дайын екенін жеткізген.
Сондай-ақ Қасым-Жомарт Тоқаев сауда проблемасына қатысты ортақ мәмілеге қол жеткізуге болатынына сенім білдірген.
Айта кетейік, бұған дейін АҚШ президенті Дональд бірнеше елдің басшысына соның ішінде Қазақстан президенті Қасым-Жомарт Тоқаевқа жазған хатын жариялаған еді.
Трамптың хатында 1 тамыздан бастап Қазақстаннан келетін барлық тауарға 25 пайыз баж салығы салынатыны айтылған.
Кейін Қазақстан тауарлары үшін белгіленген АҚШ-тың жаңа тарифтеріне қатысты еліміздің Сауда және интеграция министрлігі ресми мәлімдеме жасады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2263860-toqaev-tramptyng-qazaqstannan-importtalatyn-tauarlarga-bazh-salygyn-salu-turaly-hatyna-zhauap-zholdady/