Ли Чжэ Мёң Тоқаевты Кореяға ресми сапармен келуге шақырды

Мемлекет басшысы Корея Республикасының президенті Ли Чжэ Мёңмен телефон арқылы сөйлесті, деп хабарлайды Ақордаға сілтеме жасаған KAZ.NUR.KZ.

Әңгімелесу барысында президенттер сан қырлы қазақ-корей ынтымақтастығын одан әрі нығайтуға бейіл екенін растаған.

Мемлекеттер басшылары екіжақты байланыстардың барлық бағыты бойынша егжей-тегжейлі пікір алмасқан. Сондай-ақ сауда-экономикалық және мәдени-гуманитарлық ықпалдастықты жандандыруға ниет білдірді.

Тараптар өнеркәсіп, энергетика, машина жасау, білім беру, және медицина салаларында қолға алынған әрі перспективті жобаларды тиімді жүзеге асырудың маңызын атап өткен.

Ли Чжэ Мёң Қазақстан президентін Корея Республикасына ресми сапармен келуге шақырған.

Қасым-Жомарт Тоқаев Оңтүстік Корея басшысының шақыруын ризашылықпен қабыл алып, келесі жылы Сеулде өтетін "Орталық Азия – Корея Республикасы" форматындағы саммитке қатысатынын мәлімдеген.

Мәтіннен қате тапсаңыз, бізге жазыңыз