БАӘ-дегі елшілік қазақстандықтарды Дубай мен Абу-Дабиде жүрген отандастарына көмек беруге шақырды

Қазақстанның Біріккен Араб Әмірліктеріндегі елшілігі Таяу шығыстағы жағдайға байланысты сол елде тұратын отандастарымыздан қазақстандықтарға көмек көрсетуді сұрады, деп хабарлайды KAZ.NUR.KZ

Елшілік өкілдері БАӘ-де тұратын Қазақстан азаматтарынан сол елде қалып қойған отандастарымызға көмек қолын созуды өтінді.

"Осы баршаға қиын кезеңде сіздердің қолдауларыңыз бен белсенді азаматтық ұстанымдарыңыз ерекше маңызды.

Қазіргі уақытта БАӘ аумағында қысқа мерзімге келген немесе транзит арқылы өтуді жоспарлаған Қазақстан азаматтары бар. Қалыптасқан жағдайда олардың бірқатарына уақытша көмек пен қолдау қажет болуы мүмкін.

Егер сіздерде уақытша орналастыруға, тамақпен қамтамасыз етуге немесе өзге де нақты көмек көрсетуге мүмкіндік болса, төменде көрсетілген байланыс нөмірлеріне хабарлауды сұраймыз", - делінген хабарламада.

Сондай-ақ егер қиын жағдайда қалған Қазақстан азаматтары туралы мәлімет белгілі болса, бұл туралы дипломатиялық өкілдіктерге хабарлау қажет екені айтылған.

Байланыс нөмірлері:

Қазақстан Республикасының Абу-Дабидегі елшілігі: +971 50 508 5226 +971 2 449 8778 Қазақстан Республикасының Дубай қаласындағы бас консулдығы: +971 50 570 1978 +971 4 547 5784 dubaimfakz@gmail.com

Мәтіннен қате тапсаңыз, бізге жазыңыз