RU

World Skills талаптары бойынша демонстрациялық емтихан - жұмысшы кадрлардың кәсіби біліктілігін бағалаудың жаңа форматы

Колледж
Фото: KMQK "Radiotehnika ja'ne bailanys kolledji"

Барлық уақытта қолөнершілер мен жұмысшылар кез-келген ел экономикасының негізгі қозғаушы күші болды. Біздің айналамызда жасалған барлық заттар қолөнершілердің жұмыс қолымен жасалған. Әлем бір орында тұрмайды, бүгін біз еңбек адамы арқылы іске асырылған инженерлік ойдан туындаған ғажайыптарды көріп отырмыз. Өнімдер дамыды, қызметтердің сапасы жақсарды. Біздің ойымызша, прогресс себептерінің бірі - бәсекелестік рух, ол әрбір шеберге өз өнімін бәсекелесіне қарағанда сапалы жасауға шабыт береді.

2015 жылы Қазақстан халықаралық WorldSkills қозғалысына қосылды. World Skills-жұмысшы мамандығын алып жатқан студенттер арасындағы шеберлік сайысы. Жыл сайын жүздеген жас дәнекерлеушілер, аспазшылар, кондитерлер, зергерлер, дизайнерлер, бағдарламашылар, слесарьлар және т.б. елде үздік болу және әлемдік чемпионатта республиканы таныстыру құқығы үшін күреседі.

Студент - конкурсанттарды сапалы дайындау үшін тәлімгерлер халықаралық кәсіптік стандарттарды, үздік әлемдік тәжірибелерді зерделейді, оқу орындарының материалдық-техникалық базасы жетілдіріледі. Мұның бәрі үлкен шығындарды талап етеді, бірақ егер қаражат біздің жастарымыздың білім алуына жұмсалатынын ескеретін болсақ, бұл адами капиталды дамытуға лайықты инвестиция деп айтуға болады. Шынында да, World Skills-тің бұл қозғалысы ТжКБ жүйесін дамытуға жақсы серпін болды (техникалық және кәсіптік білім).

Колледждердің материалдық-техникалық базаларын нығайту үшін мемлекет "Жас Маман" бағдарламасын іске қосты, ол бойынша Қазақстанның 180 колледжіне заманауи оқу-зертханалық және өндірістік жабдықтар сатып алуға қаражат бөлінді. Бұл колледждерге жұмысшы кадрларды сапалы даярлауға мүмкіндік береді.

Колледж
Фото: KMQK "Radiotehnika ja'ne bailanys kolledji"

World Skills талаптары бойынша демонстрациялық емтихан үздік әлемдік практикаларды пайдалана отырып, қорытынды және аралық аттестаттау шеңберінде түлектерді бағалау әдістерінің бірі болып табылады. Басқаша айтқанда, бұл World Skills конкурс талаптарына сай тәжірибелік емтихан. Емтихан сәтті аяқталғаннан кейін студент Skills төлқұжатын алады. Бұл құжатта пәндер мен бағалардың орнына құзіреттіліктер мен олардың ұпайлары көрсетілген, ал құзыреттіліктер Soft Skills-ті (мамандандырылмаған, мансап үшін маңызды кәсіби емес дағдылар жиынтығы, олар жұмыс процесіне сәтті қатысуға , жоғары өнімділікке жауап береді және өтпелі болып табылады, яғни белгілі бір пәндік саламен байланысты емес) және Hard Skills (үйретуге болатын және өлшеуге болатын кәсіби дағдылар) дағдыларымен сипатталады.

Семей қаласының Радиотехника және байланыс колледжінде студенттер "Байланыс монтажшы-кабельші" біліктілігі бойынша демонстрациялық емтихан тапсыруға дайындалуда.

Жалпы үш емтихан күнінде студенттер оптикалық және мыс кабельмен жұмыс істеу, желілік жабдықты монтаждау және ақылды үй элементтерін салу дағдыларын көрсетеді.

Колледж
Фото: KMQK "Radiotehnika ja'ne bailanys kolledji"

Емтихан сұрақтары мен тапсырмалары ISO11801 халықаралық салалық стандарты бойынша құрылған. Емтихандарды сәтті өткізу үшін заманауи өлшеу және дәлдігі жоғары жабдықтар қолданылады: кабельдік тестер FLUKE DSX-8000-ADD; Fujikura 86S KIT A.

Жоғарыда атап өтілген емтиханды сәтті тапсырған студенттерге берілетін Skills төлқұжатының құзыреттіліктері мынадай:

1. Жұмыстарды ұйымдастыру;

2. Коммуникативтік дағдылар;

3. Жоспарлау және жобалау;

4. Кабельді монтаждау;

5. Талшықты-оптикалық құрылымдалған кабельдік жүйелер;

6. Құрылымдық кабельдік жүйелер;

7. "Ақылды үй" технологиялары;

8. Ақаулықтарды іздеу және жою;

9. Өлшеу.

Болашақта бұл төлқұжат тек біздің еліміздің аумағында ғана емес, сонымен қатар Word Skills халықаралық қозғалысының қатысушылары болып табылатын әлем елдерінде де түлектің біліктілігін растайтын маңызды құжат болуға құқылы деп санаймыз.

Колледж сайты: http://mykris.edu.kz

Авторлар: 

Директордың оқу-тәжірибе жұмысы бойынша орынбасары Шайдоллин Максат Каирбекович

Директордың оқу-ісі бойынша орынбасары Кумашева Шамшия Каирбековна

Колледж әдіскері Кайыржанова Еркежан Ержановна

Мақаланың түпнұсқасы: https://kaz.nur.kz/press-relizy/1912616-world-skills-talaptary-boiynsa-demonstraciyalyq-emtixan-zumyssy-kadrlardyn-kasibi-biliktiligin-bagalaudyn-zana-formaty/