Top.Mail.Ru

Сайт нұсқасы

ru kz

Зектілері

"Қазақ аруы - 2016" атанған Әлмира Ахатова орыс тіліндегі сұрақтарға қазақша жауап берді (видео)

Опубликовано:

"Қазақ аруы" байқауының 2016 жылғы жеңімпазы Әлмира Ахатова орыс тіліндегі сұрақтарға қазақша жауап беріп, көпшіліктің сүйіспеншілігіне бөленді деп хабарлайды NUR.KZ порталы.

"Казахстанская правда" басылымының Youtube желісіндегі парақшасында жүктелген видеосұхбатта Әлмира Ахатова қазақ тілінде сұхбат береді. Атыраулық арудың барлық қойылған сұрақтарға мүдірмей таза қазақша жауап беріп жатқанын байқауға болады.

Байқауда 600 арудың арасынан топ жарып шыққан бойжеткен қуанышымен бөлісіп, барлық қазақ қыздары "Қазақ аруы" атануға лайықты екенін алға тартты.

Тілшілердің бірі бұған дейін кастингке барып көрдіңіз бе деп орыс тілінде сұрақ қойғанда, ару еш кідірместен қазақ тілінде жауап қайтарады. Өзгелердің де сауалдарына ана тілінде жауап беріп отырған Әлмира Абайдың туындыларын сүйіп оқитынын, 120-дан астам көркем сөздерін жатқа білетінін айтады.

Еске салсақ, бұған дейін 20 жастағы атыраулық бойжеткен "Қазақ аруы - 2016" байқауының жеңімпазы атанғанын хабарлаған болатынбыз. Арудың өмірде қандай жан екендігі туралы да портал бетінде жарияланған.

Мақаланың түпнұсқасы: https://kaz.nur.kz/showbiz/1076428-qazaq-aruy-almira-akhatova-orys-tilin/

pixel