Салықтан жалтарды деген айып отандық жұлдыздардың ашуын келтірді

Опубликовано:

Қазақстандық жұлдыздар салық төлеуден жалтарды деген айыптарға реніштерін білдірді. Бүркіт пен Ділназ Ахмадиева Мемкірістер департаментінің күдіктеріне жауап берді. Бұл туралы КТК арнасына сілтеме жасап NUR.KZ порталы хабарлайды.

Мекеме қызметкерлері БАҚ-та өздерінің табысы туралы ақпаратты жария еткен жұлдыздардың соңына шам алып түсті.

"Ақша артынан із қалдырады. Біз сол іздермен жүріп, олардың табысы шын мәнісінде қандай болғанын дәлелдейтін боламыз. Ірі ақшаға көлік секілді мүліктер сатып алып жатады. Қымбат көліктер алып жатса, табыс қайдан келіп жатыр деген орынды сұрақ туындайды", - дейді Алматы бойынша Мемлекеттік кіріс департаменті басқармасының басшысы Еділ Әзімшайық.

Мәселен, Бүркіт Forbes мәліметтеріне сәйкес, жыл сайын миллион доллар табыс табады. Сол арада салықшылар Бүркіттің жеке кәсіпкер ретінде тіркеліп, салық төлеп тұруды қаперіне ілмегенін алға тартты. Әншінің өзі бұл айыптауға таңданыспен қарады.

"Егер менің табысым расымен сондай болса, менде бірнеше пәтер болар еді. Біз ән салып, ақша таппаймыз демеймін. Табамыз, әрине, бірақ журналда көрсетілгендей қомақты қаржы тапқан емеспін", - дейді Бүркіт.

Мемлекеттік кіріс департаментіне сенетін болсақ, өткен жылы Әли Оқапов 54 миллион теңге тапқан. Ал мемлекеттік қазынаға ол көк тиын да төлемеген. Ділназ Ахмадиева екі есе артық табыс тапқан (108 миллион теңге), алайда ол да салық төлеуді ұмытып кеткен.

"Ділназ мемлекет алдында есеп беріп отырады, яғни салық төлеп отырады", - дейді Ділназ Ахмадиеваның әкімшісі.

Одан бөлек салық төлемегендер тізімінде Асхат Тарғынов, Әлішер Кәрімов, Бахтияр Мәмедов, Серік Ибрагимов, Жанар Дұғалова бар.

Мемкіріс департаменті тізімде жоқ өнер иелеріне де кезек жететінін ескертті. Жақын арада шенеуніктер осы салада табыс тауып отырғандардың соңына түспек.

Осы орайды Астана арнасының тілшілері өнер жұлдыздарының өздеріне қоңырау шалып, пікірін білді. Әншілер ашық сұқбат беруден жалтарды. Негізінен табысы туралы айтпауға тырысты, кейбірі, тіпті бұл мәселе бойынша мазаламауды өтінді.

"Салық туралы комментарий бергім келмейді. Бүгін маған қоңырау шалған журналист қалмаған шығар. Ештеңе айта алмаймын", - дейді әнші Әли Оқапов.

"Ешқандай түсінік бере алмаймын. Бұл мәселе бойынша тағы да айтамын, маған хабарласпаңыздаршы, өтініш", - дейді Мақпал Исабекова.

Тағы да оқыңыздар:

Жалаңаштанған әншілерден шаршаған блогер бейнебаяндарды бақылап отыратын кеңес құруды ұсынды

Қарақат жары Қыдырәлінің туған күніне тоқал сыйлайтынын айтты

Былтыр 180 млн табыс тапқан Бүркіт бюджетке бір тиын да төлемеген

Мәдина Садуақасова инстаграмда "миллионер" атанды

Төреғали Төреәлі мен Ерке Есмахан ел алдында қайтадан табысты

Дастан Оразбеков сүйген жарына арнап клип түсірді (видео)

Мақаланың түпнұсқасы: https://kaz.nur.kz/showbiz/1133828-salyqtan-zhaltardy-degen-ayyp-otandyq/