Қазақ эстрадасында намазға жығылғандар кімдер?

Еліміз Тәуелсіздік алғалы дінге бет бұрып, бес уақыт намазын оқып, ораза ұстайтын азаматтар көбейді. Олардың ішінде отандық жұлдыздар да бар. 31 арна дінге бет бұрып, бес парызын орындауға тырысатын әртістерге шолу жасады.

"КZ" тобының бұрынғы әнші Бейбіт Құшқалиев осыдан бес жыл бұрын сахнада ән салып, секеңдеп би билеуді «харам» деп санап, шоу-бизнесті біржолата тастап кеткен болатын.

Алайда, шетелде оқып келгеннен кейін 3 жыл бойы бос жатқан, әнші тіпті өзінің бастапқы мамандығы мұнай саласына да араласқысы келіпті. Бірақ, одан да түк шықпаған.

Бүгінде, әнші өнерін қайта шыңдап, заманауи бағыттағы әндерін бірінен кейін бірін көрерменге ұсынып жүр.

Кейінгі кездері әншінің өнерге деген көзқарасы өзгерген.

Бейбіт ауыз бекітіп, намаз оқуды бала кезден ата -анасынан, әжесінен үйренген. Ораза ұстауға ниет еткен жандар осы айда Жаратқанның мол сауабына кенеледі дейді әнші.

Өнер адамдарының соңғы уақытта жаппай дінге бет бұруының себептерін өнерде де, өмірде де жұптары жазылмай келе жатқан Ғани мен Бота Жүнісовтер былай түсіндіреді.

Әнші Бота алғашында намаз оқып, Меккедегі құлшылық еткен орындарын суретке түсіріп әлеуметтік желіге салатын әріптестерінің әрекетін еш түсіне алмапты.

Ғани мен Бота да жылдағы әдеттері бойынша, ораза ұстап ауыз бекітуде.Қасиетті жұмада дұға тілек жасау үшін мешітке келетін әдеттері бар. Ғалымдардың айтуы бойынша сауабы мол ораза айының маусым, шілде айларына тап келуі 33 жылда бір қайталанады екен. Сондай- ақ биылғы жылдың пітір садақасының мөлшері де белгілі болды.

МузАрт тобының әншісі Кенжебек Жанәбілов әріптестері Мейрамбек Бесбаев, Нұрлан Абдуллин, Абай Бегей сынды Меккеге барып, бес уақыт намаз оқымаса да, жыл сайын Қасиетті Рамазан айын асыға күтіп, ауыз бекітеді екен.

Сондай-ақ жуырда Қайрат Нұртастың продюсері әрі анасы Гүльзира Айдарбекова өз инстаграммында баласының кәуап дайындап жүрген сретін орналастырып, оның ауызашарды тағатсыздана күтіп жүргенін жазған-ды.