Жағажайда бикинимен жүгірген Жәния Джуринская жұрттың ашуын келтірді (видео)

Опубликовано:

БАӘ-дегі жағажайда  бикинимен жүгіріп жүрген актриса Жәния Джуринская желі қолданушыларының ашуын келтірді.

Бұл туралы Stan.kz хабарлайды.

Жәния Джуринская "Барлығы жігіттер үшін"  фильміне түсіп жатқан болатын. Ол түсірілім жұмыстары аяқтала салысымен БАӘ-ге жол тартқан. Әлеуметтік желі арқылы аталған елде  шомылып, бикинимен жүгіріп жүрген сәті таспалаған видеосын бөліскен.

"БАӘ-де адам төзгісіз ыстық болады деп айтқан еді. Олардың бұл сөзі жалған болып шықты. Меніңше, Түркістанда бұдан да ыстық", – деп жазады ол видеоның тұсына. Видеоны көрген желі қолданушылары түрлі пікір білдірді. Бірі актрисаның сымбатты тәніне сүйсіне қараса, енді бірі оның бұл әрекетін тәрбиесіздікке балады.

"Неге жалаңаш жүгіре салмады екен?!", "Әдетте қыз баласын құпия, жұмбақ деп білеміз. Сенің жігітке көрсетер не құпияң, не қызығың қалды?!", "Жалаңаш барса да өзі білсін. Бірақ тәнін бүкіл әлемге жарқыратып көрсетудің не керегі бар", "Қазақ қызына тән ибалығын сақтамаса, мұндай жұлдыз кімге керек", дейді олар.

Бір топ желі қолданушылары оны жоғарыдағыдай қатаң сынаса, енді бірі керісінше ақтап жатты.

"Қызықсыңдар! Сонда жағажайда қалың киініп алып жүгіру керек пе екен?!", "Мұсылмандар суға қалың киіммен түсе ме екен? Әпкелерім, ұнамаса несіне қарап отырсыздар? Осылай елді жамандап, бар күнәні мойындарыңа артасыңдар" сынды пікір білдірген жақтаушылар тобы.

Тағы оқыңыздар:

ОҚО-да Атамқұловтың өзі қосып кеткен газды әкім кеткен соң сөндіріп тастады (фото)

Қарағандыда келіншек босанғаннан кейін жарты тәулікке жетпей жан тапсырды

Мысырға оқуға кеттім деген ақтөбелік жігіттің Сирияда соғысып жүргені анықталды

Заттыбек Көпбосынұлы дүкенін намазханаға айналдырып, ауылдастарына сыйға берді (фото)

Cаясаттанушы түзеу мекемелерін ҰҚК-нің құзырына беруді ұсынды

Жер комиссиясы екі жарым айда не тындырды?

Мақаланың түпнұсқасы: https://kaz.nur.kz/showbiz/1202794-zhaghazhayda-bikinimen-zhugirgen-zhaniya-d/