"Бас аман болсын": Бүркіт жаңа шаш үлгісін сынағандарға жауап берді

"Бүркіт" лақап атымен танылған қазақ әншісі Айбек 18 жылда бірінші рет шаш үлгісін өзгертіп, тыңдармандарын таңғалдырды. Ол "шашың қайда? неге қидың?" деп сұрақтың астына алған жандарға жауап берді деп хабарлайды NUR.KZ.

Жаңа образбен жаңашылдыққа ұмтылған Бүркіт әлеуметтік желідегі оқырмандарын біраз "есеңгіретіп" тастапты. Оған - жаңа шаш үлгісін жариялағаннан кейін толассыз жазылған пікірлер дәлел бола алады.

Тыңдармандары тарапынан осыншалық таңданыс күтпеген әнші бәріне бір жауап қайтаруды дұрыс көрсе керек, арнайы жазба жариялаған.

"Қаншама пікірлер жазылып жатыр "Шаш қайда, шашқа не болды" деп) Бұл енді менің жаңа шаш үлгім! Маған ұнайды! Көздеріңіз әзірше үйренбей тұрған көрінеді)) Шаш қайда кетсін, бас аман болсын! Шаш өсер!)) 18 жылда бір өзгерейік)) Жаңа бейнебаянға дайындық", - деп жазады Бүркіт.