Ұят киімдер топтамасы: Отандық дизайнердің ашық-шашық көйлектері көпшіліктің жағасын ұстатты (видео)

Астанада Monaco қонақ үйінде елімізге танымал дизайнер Нәйіл Байкүшіковтың сән көрсетілімі өтті. Аталған кештегі сән көйлектері желі қолданушыларының қызу талқысына түсті деп хабарлайды NUR.KZ.

Сән көрсетілімінде отандық сәнгерлер Аида Кауменова, Динара Сәтжанның да топтамалары да көрсетілді.

Аталған кештегі сән топтамаларынан Байкүшіковтың киімдері елдің ерекше есінде сақталды. Тек әуретті жерлері жабылған сәнбикелердің жұқа көйлектерін Аида Кауменова Instagram парақшасына салып қойды.

Астына «Найілдің ұят топтамасы», – деп жазып қойды Кауменова.

Алайда бұл киімдер желі қолданушыларына ұнамай қалды. Олар видео астына жағымсыз пікірлерді қарша боратты.