Шымкенттік әнші су жаңа Гелендвагенін көрсетіп, мақтанды (видео)

Отандық әнші Әбдіжаппар Әлқожа су жаңа Гелендвагенін көрсетіп мақтанды деп хабарлайды NUR.KZ.

Бұл жайында әнші Instagram парақшасында жариялады.

«Елдің ықыласымен батасының арқасында ақ тұлпар міндім. Бәрі рас! Бірақ, видеодағы әңгімем өтірік», - деп жазды ол.

Ал желі қолданушылары Әбдіжаппар Әлқожаны су жаңа көлігімен құттықтап, жылы лебіздерін білдірді.

«Құтты болсын», «Игілігіңізге мініңіз», «Тіл көзден аман бол! Көлігің өзіңе құт болып келсін», - деді олар.

Айта кетейік, осыдан біраз уақыт бұрын әнші бала күнінде басынан өткен қиындығын баяндап, көзіне жас алған болатын.