Өнер әлемінде жүрген сымбатты бойдақтар кімдер?

Өнер әлемінде мансап қуып, әлі күнге отбасын құрмай жүрген жұлдызды бойдақтар кімдер? Бұл жайында NUR.KZ порталы хабарлайды.

Бұл тізімде актер де, әнші де бар.

Сүйіктісін әлі жолықтырмаған Тәуекел Мүсілім әзір үйленуге дайын емес. Ол жүрегі қалаған арудың өнер жолынан болғанын қаламайтынын ашып айтқан болатын. Сері жігітке сезім білдіретін бойжеткендер көп болғанымен, ол отбасы құрып, отағасы атануға асығар емес.

Бірнеше жылға Қытай елімен келісімшартқа отырған Димаш Құдайберген әзірге отбасын құрмайтыны анық. Бірақ, желіде оның сүйіктісімен түскен суреттері жарияланып кеткен болатын. Миллиондаған қыздың арманы болған Димашты жақында ауруханадан шықты деген сыбыс та бар.

Басынан бірнеше ауыр оқиғаны өткізген Қайрат Түнтеков те, Димаш секілді Қытай елін бағындыруға аттанбақ. Ал отбасы болу туралы әнші әлі сөз қозғамады. Жаңа альбомын жарыққа шығарып, бейнебаян түсіруге асыққан Қайрат, бос кеткен бірнеше жылдың орнын жақсылап толтырмақ.

Астанада жеке кешін өткізген Әлішер Кәрімов сүйіктісін халыққа көрсетіп қойған болатын. Ақ көйлек киген қалыңдығымен бірге сурет жариялаған әншінің сезімі ұзаққа созылмады.

Кентал – жасы отыздан асқан әнші әзірге сүйіктісін таппаған. «Құдалар» деп ән салып, бейнебаян түсірген ол әзірге ата-анасына келін сыйлауға дайын емес.

Роза Рымбаеваның тұңғышы да үйленуге дайын емес. Себебі, осыдан біраз уақыт бұрын Ақбота Сейітмағамбетпен көңіл жарастырған әнші, әлі де жүрегін жаралайтын аруды кездестірмеген. Ал Әли Оқаповтың анасы болса, немере сүюге асық екенін әр сұхбатында айтады.