Бүркіт екі ұлдан кейін дүниеге келген қызын неліктен қолына алмай жүр?

Осыдан 40 күн бұрын үшінші сәбиі дүниеге келген Бүркіттің жары жан сырымен бөлісті. Ол кішкентай қызына Бүркіттің жақындамайтынын айтып берді деп хабарлайды "Ревю" бағдарламасына сілтеме жасаған NUR.KZ.

Әнші қазіргі уақытта түсірілім алаңында болып, үйге де жиі келмейді екен.

“Бастысы, босанған сәтте жанымда болды. Перзентханадан шығарған кезде болды да, келесі күні жұмыстарымен ұшып кетті.

Үлкен балаларыма қарасып, қолынан келгенше көмек береді. Бүркіт тіпті қызын қолына алуға қорқады екен. Қыз ғой, "Кемі 40 күн тиіспей-ақ қояйын" деп жүр. Өз ойлағаны бар-ау”, – дейді Аиша.

Сондай-ақ, әнші үйінде көмекшілері барын да айтты.

"Жер үйде тұрғандықтан жалғыз өзім барлық іске үлгермеймін. Көмекшілерім бар. Екі ұлымда ешқандай көмекші жалдаған емеспін. Бірақ, қазір үш балам бар ғой", - деді Бүркіттің жары.