Екінші рет ана атанған Айнұр Ілиясова перзентханадан шықты (фото)

Отандық актриса Айнұр Ілиясова екінші рет ана атанды. Қыз баланы өмірге әкелген өнер иесін жұбайы мен әріптестері перзентханадан шығарып алған деп жазады "НТК" арнасының "Ревю" бағдарламасына сілтеме жасаған KAZ.NUR.KZ.

Жаңа туған сәбидің салмағы - екі келі 600 грамм, ал бойы 49 сантиметр. Нәрестеге актрисаның жақындары – Рәбиға деген есім берген.

Ілясованың өзі бұл қызды қатты күткенін жасырмады.

"Алғашында мен Дарияға аяғым ауыр болған кезде ұлды күттім. Кейін қыз болғанын білгеннен кейін өте қатты қуандым. Ал бірақ Рәбияны қыз болса екен деп өзім армандадым. Екеуі апалы-сіңілі, ертең құрбы болып, өте бір жақын болса деген арманым болды", - дейді актриса.