"Ауадан туылған жоқпыз": Түсіпбаева секс туралы бар ойын ашып айтты (видео)

Меруерт Түсіпбаева секс туралы бар ойын жасырмай, дүйім жұртқа жайып салды. Әнші жыныстық қатынастың өзі үшін қаншалықты маңызды екенін жеткізді деп жазады Youtube желісіндегі "Oybay show" бағдарламасына сілтеме жасаған KAZ.NUR.KZ.

Меруерт Түсіпбаева сұхбаты барысында өзіне қойылған ыңғайсыз сұраққа еркін әрі сенімді түрде жауап берді.

Шоу-бизнес жұлдызы секс туралы қандай ойда екенін еш бүкпесіз айтты.

"Құдай-ай, секс болмаса балалар қалай туылатын еді сонда? Олар ауадан туылмайды ғой. Сенің сұрағың кеңес одағында секс болмады деген сияқты болып тұр. Әрине, Қазақстанда секс бар. Біз ауадан туылмаған шығармыз" , - деді әнші.

Оған қоса, Түсіпбаева мәңгілік махаббат бар екеніне сенбейтінін жеткізді.

"Мәңгілік махаббат болмайды. Неге Қозы Көрпеш - Баян сұлу мен Қыз Жібек - Төлегенді жырлаймыз? Өйткені олар бір-біріне қосыла алмай кеткен.

Джульета мен Ромео бар. Олар қосылса, бір-бірінің көзіне шөп салып, жүретін еді.

Егер ол адамға сенің қолың жетпесе, ол - махаббат. Ал егер жетіп қойса, бітті дей бер. Махаббат бес-ақ жыл өмір сүреді. Содан кейін қырылыс, жұлыс, қызық әңгімелер мен неше түрлі жағдайлар басталады.

47 жастағы тәжірибесі мол әйелдің сөзіне сен" , - деді Меруерт Түсіпбаева.

Сонымен қатар, әнші қазіргі таңда ғашық екенін мойындады. Сөзінше, сүйіктісі оны өте қатты жақсы көреді.