"Меломен" тобының әншісі қарындасын ұзатты (видео)

"Меломен" тобының солисі Қайрат Мырзаханов туған қарындасын ұядан ұшырды. Ұзату тойында бауырына ән арнаған әнші жігіттің әрекетін желідегілер қызу талқыға салған деп жазады KAZ.NUR.KZ.

Әнші өзінің видеосын Instagram парақшасында жариялады.

Қарындасына ән арнаған Қайрат Мырзахановқа көпшілік дән риза болып, ұядан ұшқан бойжеткенге бақыт тілеуде.

"Бақытты болсын", "Сандуғаш қарындасыңыздың барған жерде бағы жансын", "Қандай әдемі", "Әннің жүрегіңізден шыққаны көрініп тұр", "Өте жағымды", "Қарындасыңыздың бағы ашылсын", - деп жазды желі қолданушылары.

Естеріңізге сала кетейік, бұдан бұрын қыз ұзатуды "Жігіттер" тобының әншісі Айдар Тұрғанбек қолға алған болатын.

Әнші өзінің бұл әрекетіне табыс көзі ретінде қарайтынын да жасырмады.

Арада көп уақыт өтпей шымкенттік әнші Асан Пердешовтің де қыз ұзатуда ән салған видеосы желіге тарап кетті.