Достарымен ауызашардан соң ән салған Димаштың ата-анасы елді сүйсінтті
Опубликовано:
Қанат пен Светлана Айтбаева отбасылық достарына ауызашар берді. Дастарханнан тұрған құрбы-құрдастар Ақтөбе көшелерін жүріп өтіп, сауық құрды. Димаш Құдайбергеннің ата-анасының достары бірі домбырамен, бірі гитарамен, енді бірі баянмен халық композиторларының әндерін орындаған деп хабарлайды KAZ.NUR.KZ тілшісі.
Ауызашардан соң Света мен Қанат Айтбаевтардың отбасылық достары Ақтөбе көшелерінде сауық құрған.
Димаштың кей әндерінің сөзін жазған ақын Орал Байсеңгірдің жазуынша, Қанат Айтбаевтың Ақтөбеге келгенін білген достары аман-саулық сұрасып барыпты.
"Қанат пен Светлана ораза тұтқандарға ауызашар берді. Біз ән айтып, әзілдесіп, шер тарқаттық. Димаштың концертін сөз етіп...Жалпы тез жиналатын әдетіміз бар", - деді Орал-Қосай Байсеңгір.
Оның айтуынша, видео әдейілеп түсірілмеген. Сол жерде жүрген таныстары түсіріп алған екен.
"Бізге Қанекеңнің келгені де той, кеткені де той", - деп әзілдеді ақын.
Мақаланың түпнұсқасы: https://kaz.nur.kz/showbiz/1795410-dostarymen-auyzasardan-so-n-salgan-dimasty-ata-anasy-eldi-sjsintti/
