Хабар арнасында "Жұмбақ жандар" телехикаясының 2 маусымы көрерменге жол тартты

«Хабар» телеарнасында Түркияның ең танымал және рейтингі жоғары «Жұмбақ жандар» телехикаясының екінші маусымы көрерменге жол тартты. Криминалдық мелодрама дүйсенбі - жұма күндері сағат 18.00-де көрсетіледі.

«Жұмбақ жандар» туындысы алғаш рет 2016 жылы АҚШ-та «Big Little Lies» деген атаумен түсіріліп, 2017 жылдың көктемінде эфирге шықты және аудитория тарапынан жақсы қабылданған болатын. Ал 2017 жылдың күзінде «Ufak Tefek Cinayetler» деген атаумен түркиялық нұсқасы түсірілді.

Картинаның сәтті шығуы үшін түркияның ең мықты мамандары шақырылды. Сценарийін «Любовь напрокат» сериалы арқылы танылған Мерич Аджеми жазған.

Сонымен қатар басты рөлдерді Гекче Бахадыр, Баде Исчил, Тюлин Озер, Аслыхан Гюрбюз, Йылдырай Шахинлер, Мерт Фырат, Ферит Алтуг, Селим Байрактар сынды танымал актерлер сомдайды.

Түркиялық оқиғаның түпнұсқадан сәл айырмашылығы бар, алайда туындының қызығы бұдан азаймайды. "Жұмбақ жандар» сериалында - Ойя, Мерве, Пелин, Арзу есімді төрт әйелдің тағдыры баяндалады.

Картинаның алғашқы бөлімінде адам өлімі болып, құрбылардың барлығы күдіктілер қатарына енеді. Өлген адам кім және кім өлтірді? Қылмыстың бетін ашу барысында ұзақ жылғы достық сынға түсіп, ескі жаралардың беті ашылады.

Комиссар Кемаль мен оның көмекшісі Дерья түйінді шешу үшін іске кірісіеді. Дегенмен, бірінші маусымда қылмыскер анықталмаған еді. Екінші маусым кінәлілерді анықтаудан басталады.

Шиеленіске толы мелодраманың жалғасы бұрынғыдан да қыза түспек. Ойя, Мерве, Пелин, Арзу – бұл әйелдердің тағдыры қалай жалғасарын жұмыс күндері «Хабар» телеарнасынан тамашалаңыздар!

* PR құқында

Мақаланың түпнұсқасы: https://kaz.nur.kz/showbiz/1799006-habar-arnasynda-zmbak-zandar-telehikaasyny-2-mausymy-krermenge-zol-tartty/