Лара Рысбай: Кішкентай Ақботаға Алла қаншама сынақтар бергеніне таң қаламын

"КешYOU" тобында ән салып танылған Ақбота Сейітмағамбеттің құрбысы Лара Рысбай оның өмірінде болып жатқан қиын кезеңге қатысты пікір білдірді. Ол жақында ғана ажырасып кеткен өнер иесіне тым ауыр сынақтар берілгеніне қапалы деп жазады KAZ.NUR.KZ.

Лара Рысбай Ақбота Сейітмағамбетті мүлдем танылмай тұрғанда, студенттік кезден бері жақсы білетін болып шықты. Ол құрбысы екеуінің бір жатақханада бір нанды бөлісіп жеп жүрген кездерін есіне алып, оның қазіргі сынаққа толы өміріне қатысты жан сырын ақтарды.

Сонымен қатар, Лара Ақботаның әрбір қиындыққа төзіп, мәселені сабырлығы мен ақылдылығының арқасында шешіп жүргенін алға тартты.

"2013 жылдары болашағымыз дәл қазіргідей боларын білмеген едік, жатақханада бір бөлмеде шатаспасам 1,2 ай бірге тұрып, Big bon ішіп, нанға майонез жағып жеп, бір нанды бөлісіп жеп, сол күнімізге шүкір етіп жүрген арманы асқақ студенттік кезімізді күліп еске алдық. Одан кейін Ақботаның өмірінің әрбір тармағымен хабардар болып жүрдім.

Білесіздер ме, кіп-кішкентай қызға Алла қаншама сынақтар бергеніне таң қаламын. Ең бастысы ешқашан өмір сынақтарына сынып қалмай, тік тұрғанына, әр сәтсіздікке сабырлығымен, ақылдылығымен шешім шығарып, күлімдеген көзімен өзінің мықтылығын дәлелдегеніне қуанамын. Боташка, жаным шында да сен мықты қызсың, мықты әйелсің! Алла саған берген сынақтарына жауап ретінде, бағыңды еселеп беруден талмасын! Бақытты бол жаным" , - деп жазды Лара Рысбай Instagram парақшасында.

Айта кетейік, бұған дейін желіде Ақбота Сейітмағамбеттің бейтаныс жігітпен кемеде құшақтасып тұрған фотосы тарап кетіп, ел арасында қызу талқыға түсукен болатын.