"Балаларымның аналары кінәлі емес": Айдарқұлов екі мәрте ажырасқанына өзі кінәлі екенін мойындады

Қазақстандық танымал актер Дәурен Айдарқұлов екі сәтсіз некесіне де өзі кінәлі екенін мойындады. Өнер иесінің сөзінше, ажырасып кетуіне екі әйелінің еш кінәсі жоқ. Сонымен қатар, көпбалалы әке үшінші тойы қашан болатыны мен өзін бес жылдан кейін кім болып елестететінін айтты деп жазады KAZ.NUR.KZ.

Дәурен Айдарқұлов өзінің Instagram парақшасында оқырмандарына барынша ашылып, оларды қызықтырған сұрақтарға жауап берді. Сауалдарға жауап беру барысында актер алдағы бес жылда қоғам қайраткері болуды жоспарлап жүргенін алға тартты.

Сонымен қатар, желі қолданушылардың бірі тіпті көпбалалы әртістен қашан үшінші мәрте үйленетінін де сұрады.

"Оның жауабын күтудемін. Мен дайынмын. Мен әрқашан дайынмын", - деп көпшілікті таңғалдырды ол.

Айдарқұловтың жанкүйерлері бұл жуаптан кейін оны сұрақтың астына алып, қызу талқы ұйымдастырған. Кейбірі әртіске Ақбота Сейітмағамбеттің жар ретінде сай келмегенін де айтып өткен.

"Сіздің көзқарасыңыздан-ақ ақкөңіл жан екеніңізді айтуға болады. Ақбота расымен сіздің адамыңыз емес. Ойы шашыраңқы қыз. Алайда, сіз әлі жассыз. Мойымаңыз, бәрін үлгересіз", - деп пікірін білдірді оқырман.

Алайда, Айдарқұлов желі қолданушысының бұл сөздеріне қосылмады.

"Балаларымның аналары мүлдем кінәлі емес. Кінә менде", - деп жазды ол.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз