RU

Мейрамбек Бесбаевпен кездескен әжей енді Нұрболат Абдуллинді іздеп жүр (видео)

Желіні жарған әжей
Видеодан кадр: Instagram/nurbullin

Қазақ эсьрадасының жарық жұлдызы Мейрамбек Бесбаевқа жылы лебізін білдіре сәлем жолдап, кейіннен онымен телефон арқылы сөйлескен әжей тағы да желіні жарды. Бұл жолы қария Нұрболат Абдуллинді іздеп жүр екен деп жазады KAZ.NUR.KZ.

Instagram кеңістігінде Мейрамбек Бесбаевпен тілдескен әжейдің тағы бір видеосы тарады. Алайда, бұл жолы қарт ана "МузАРТ" тобының мүшесін емес, оның өнердегі інісі Нұрболат Абдуллинді жер-көкке сыйғызбай мақтады.

Қария халық ыстық ықыласын ие әншінің шығармашлығын жақсы көретінін жасырмай айтты.

"Нұрболат Абдуллин де өлеңді жақсы айтады. Өлең айтқанынан, әйтпесе қайдан танимын? Бойын-сойын білмеймін, өлеңін білемін. Өлеңі әдемі. Керек емес түгінің, маған өлеңі ұнайды", – дейді әжей видеода.

Желі қолданушылары аталмыш бейнежазбаның астына жаппай НұрболатАбдуллинді белгілеп, оған әжеймен кездесіп қайтуына кеңес берді. Халықтың айтқаны эстрада жұлдызына жетіп, әнші қарт ананың видеосын өзінің парақшасында бөлісіп қойған.

Мақаланың түпнұсқасы: https://kaz.nur.kz/showbiz/1925302-meirambek-besbaevpen-kezdesken-azei-endi-nurbolat-abdullindi-izdep-zur-video/