"Жазылып кетуі үшін дұға етіңіздерші": Белгілі ресейлік актердің ұлы ауыр халде ауруханаға түсті

Опубликовано:

Егор
Фото: Instagram/ maksdrozd

Танымал ресейлік кино және театр актері Максим Дрозд көпшіліктен ауруханада жатқан ұлы үшін дұға етуді сұрады, деп хабарлайды Mk.ru.

"Ұлым ауыр жарақатпен ауруханада жатыр. Оның жазылып кетуі үшін дұға етіңіздерші", - деп жазды актер өз Instagram парақшасында.

Максим болған оқиғаның мән-жайын айтпады.

Десе де, басылым 20 жастағы Егор Дроздың ауруханаға не себепті түскенін анықтаған.

Басылым дерегіне сүйенсек, сенбі күні кешке Мәскеудің батысында Егор Дроздың қатысуымен төбелес болған.

Алдын-ала ақпарат бойынша, жанжалға қатысушылар мас күйде болған. Сонда Егор басынан ауыр соққы алып, есінен танып қалған. Ол Кутузовский даңғылындағы пәтерден Боткин атындағы ауруханаға жеткізілген.

Егор - Максим Дрозд бен жүзуші Анастасия Бровкинаның ұлы.

Актердің өзі көрерменге "Гражданин начальник", "Штрафбат", "Охота на пиранью", "Ликвидация", "День Д" фильмдері арқылы таныс.

Мақаланың түпнұсқасы: https://kaz.nur.kz/showbiz/1946641-zazylyp-ketui-usin-duga-etinizdersi-belgili-reseilik-akterdin-uly-auyr-xalde-auruxanaga-tusti/