"Мен ешкімнен ақша сұрап жүрген жоқпын": Құралай Анарбекова өзінің атын жамылған алаяқтарға ескерту жасады

Опубликовано:

Құралай Анарбекова
Фото: Instagram/kuralay_corich

Отандық танымал актриса Құралай Анарбекова алаяқтардың арбауына түсіп қалды. Белгісіз біреулер желіде өнер иесінің атынан оның таныстарынан қомақты қаржы сұраған, деп жазады KAZ.NUR.KZ.

Бұл туралы актрисаның өзі Instagram желісінде хабарлады. Ол барша оқырмандарына алаяқтарға алданып қалмауын ескерткен.

Анарбекова алдағы уақытта құқыққорғау органдарына жүгініп, күдіктілерді анықтамақ.

"Сұмдық жағдай. Біреу менің фотомды пайдаланып, таныстарым мен достарыма хат жазып, қарызға ақша сұрауда. Бұлар – алаяқтар. Өтініш, алданып қалмаңыздаршы. Құқық қорғау органдарына жүгінуге ниеттімін. Бірақ дәл қазір барлығына ескертуім керек. Мен ешкімнен ақша сұрап жүрген жоқпын. Алаяқтардың өтінішін бұғаттаңыздар", – деп жазды ол. 

Мақаланың түпнұсқасы: https://kaz.nur.kz/showbiz/1952817-900-myn-tenge-suragan-quralai-anarbekova-alayaqtardyn-arbauyna-tusip-qaldy/