Ата-анасын Меккеден күтіп алған Ердос Қанаевқа ел сүйсінді (видео)

Отандық танымал әнші Ердос Қанаев желіде аса әсерлі видеомен бөлісіп, ел жүрегін елжіретті. Өнер иесі ата-анасын Меккеден күтіп алып, олармен сағына қауышқан, деп жазады KAZ.NUR.KZ.

Ердос Қанаев ерекше отбасылық сәтін Instagram парақшасында бөлісті. Онда әртіс қызымен бірге ата-анасын Ұмрадан күтіп алғанын көруге болады.

Әнші олардың елге аман-есен оралғанына қуанып, екеуін құшағына алды.

"Аллаға сансыз мадақтар мен мақтаулар болсын. Ата-анам Алланың рақымымен Ұмрадан елге оралды. Алла күллі дұға-тілектері мен құлшылықтарын қабыл етсін.

Ата-анамды қарсы алуға Шымкентке қызымыз екеуміз келіп, әжуә құрмасын жеп, зәм-зәм суын ішіп, қажы анам мен қажы әкемнің дұғасын алдық. Алла сіздерге және сіздердің ата-аналарыңызға да қажылыққа баруды нәсіп етсін", - деп жазды ол.