"Керемет ене болады": Тойда рэп оқыған әйел желі жұлдызына айналды

Әлеуметтік желіде қазақстандықтар тойда рэп оқыған әйелдің видеосын талқылап жатыр. Бейнежазба бір күннің ішінде ғаламторды шарлап кетті, деп жазады KAZ.NUR.KZ тілшісі.

Келіншек Coolio есімді рэп орындаушының өткен ғасырдың 90 жылдары жазылған туындысын орындады. Қазақстандықтар келіншектің рэп орындау шеберлігіне тәнті болды.

"Керемет, жарайсың", "Менің енем осындай болса, күнде бірге ән айтар ем", "Ду қол шапалақ", "Әдемі шықты", "Айтарға сөз жоқ, тамаша", "Керемет ене болад", - деп жарыса жазды желі қолданушылары.

Айта кетейік, осыған дейін әлеуметтік желіде Шымкентте түсірілген видео да тарап кеткен болатын. Кадрларда бір топ адамның мамандандырылған ХҚКО-ның есігіне қарай жүгіріп, қоршаудан секіріп өтіп бара жатқанын аңғаруға болады. Аталған жайтқа қатысты "Азаматтарға арналған үкімет" филиалы пікір білдірді.

Мекеме №1 мамандандырылған ХҚКО-да С1 санаты ("ГАЗель" жүк көлігі) бойынша көлік жүргізуге практикалық емтихан тапсырғысы келетіндердің көбеюіне байланысты осындай кезек пайда болғанын жеткізді.