Айгүл Иманбаева кішкентай кезіндегі суреттерін бөлісті

Әнші әрі актриса Айгүл Иманбаева желіде мұрағаттық суреттерін жариялап, бала кезінен қалай өзгергенін көрсетті, деп жазады KAZ.NUR.KZ тілшісі.

Өнер иесі кішкентай кезіндегі фотоларынан арнайы видео жасап, жылдар бойғы өзгерісін көрсетті. Актриса бейнежазбаны Instagram парақшасында бөліскен.

"Қайырлы кеш достар! Менің балалық шағымнан қазіргі кезге дейінгі суреттерімнен естелік. Өзгеріс көп пе", - деп жазды Иманбаева.

Желі қолданушылары аталмыш видеоға жарыса пікір білдіруде.

"Өте карапайым, ақылды, әдемі жансыз", "Түріңіз де, көзқарасыңыз да өзгерген. Есейген жанның белгісі", "Керемет. Өзгеріс өте көп. Балалык шак, бойжеткен шақ, кемелденген шақ. Тамаша", "Жылдан жылға жақсарып келесіз", "Кішкентай кезіндегі сурет, Асылжанға ұқсайды", "Жылдар өткен сайын көркейіп сұлулана беріпсіз", "Еш өзгеріс жоқ жап -жас Айгүл осылай құлпырып жүре бер", - деп жазды олар.