"Жетінші арнаның" бас директоры тағайындалды

Опубликовано:

Әния Байоразова
Әния Байоразова. Фото: Жетінші арна

"Жетінші арнаның" бас директоры лауазымына Әния Байоразова келді. Бұл туралы телеарнаның әлеуметтік желідегі парақшасында жарияланды.

Әния Байоразова 2009 жылы Әл-Фараби атындағы Қазақ Ұлттық университетінің журналистика факультетін тәмамдаған.

Оның БАҚ және телевизия өндірісі саласында 15 жылдан астам тәжірибесі бар.

Еңбек жолын университет қабырғасында жүргенде "31 арнадан" бастаған.

Ақпараттық, ойын-сауық жобаларының жүргізушісі, сценарист әрі редакторы болды.

2010-2020 жылдар аралығында жаңалықтар қызметінде тілші, "Хабар" телеарнасында диктор, "Еларна" және "Алматы" телеарналарында түрлі тележобалардың жүргізушісі болып жұмыс істеді.

Jas Otan төрағасының кеңесшісі қызметін атқарды.

Biz Birgemiz халықтық іс-шарасын сәтті ұйымдастырып, PR жұмыстарын жүргізді.

2020 жылдан президент жанындағы "Орталық коммуникациялар қызметі" РММ-де жұмыс істей жүріп, өзінің шығармашылық қызметін отандық телеарналарда жалғастырған.

Мақаланың түпнұсқасы: https://kaz.nur.kz/showbiz/1979754-zetinsi-arnanyn-bas-direktory-tagaiyndaldy/