Психолог Ди Каприоның неге 25 жасқа дейінгі қыздарға көз салатынын түсіндірді
Опубликовано:
Ресейлік психолог Вероника Степанова Леонардо Ди Каприоның неліктен 25 жасқа дейінгі жас қыздарға көз салатынын түсіндірді, деп хабарлайды KAZ.NUR.KZ 5-tv.ru арнасына сілтеме жасап.
Психолог Вероника Степанованың айтуынша, танымал актер біреуге бауыр басып қалудан қорқады. Сондай-ақ маман Ди Каприоның тастап кеткен қыздары өздерін уақытша хобби ретінде сезінетіндерін де жеткізген.
"Лео жалғызбасты ананың тәрбиесін көрген. Сондықтан әйелдерді ақымақтығы үшін жазалайды. Сонымен қатар ол қарым-қатынастағы бауыр басып қалу мен отбасы болудан қорқады. 47 жастағы ер адам отбасы дегеннің не екенін білмейді. Онда ешқашан отбасы болмаған", - дейді психолог.
Психолог актердің отбасылы болуға қашан шешім қабылдайтынын да айта кетті.
Оның ойынша, актер қарттық пен жалғыздық қатты алаңдатқанда, өз отбасын құруға дайын болады.
Мақаланың түпнұсқасы: https://kaz.nur.kz/showbiz/1986541-psixolog-di-kaprionyn-nege-25-zasqa-deiingi-qyzdarga-koz-salatynyn-tusindirdi/