Отандық блогер туған күніне 21 миллион теңгенің көйлегін тіктіргені рас па

Отандық блогер Damelya Sweet дос-жарандарымен туған күнін дүркіретіп атап өтті. Блогер ару мерекелік кеште үш көйлек ауыстырған, деп хабарлайды НТК арнасының "Ревю" бағдарламасы.

Мерейтой барысында Damelya Sweet арнайы тапсырыспен тіктірген көйлегіне қатысты қауесетке жауап берді.

"Туған күнге 2 апта дайындалдым. Көйлегім де сол уақытта пайда болды, арнайы тіктірілген. Бұл көйлектің түпнұсқасы француздық бренд. Оның бағасы 46 мың еуро.

Бірақ, менікі қазақша бренд болып кетті. Мұның бәрін арнайы тіктірдім. Бұл үш көйлегімнің бірі. Туған күнге көп ақша кетті. Барлығы 67 адам шақырдым", - деді блогер.

Ал туған күнге арнайы шақыртумен келген қонақтар арасында блогерге бірі жол сөмкесін сыйласа, бірі жүзік сыйға тартқан.