Димаш Құдайберген соғыс туралы бейнебаян түсіріп, әлемді бірлікке шақырды (видео)

Опубликовано:

Димаш Құдайберген
Димаш Құдайберген. Фото: "The Story of one Sky"/Youtube

Сенбі, 24 қыркүйек күні Димаш Құдайбергеннің фан-кездесуінде оның "The Story of one Sky" атты жаңа әніне түсірілген бейнебаянның премьерасы өтті. Қазір бұл туынды әншінің YouTube желісіндегі арнасында пайда болды, деп хабарлайды KAZ.NUR.KZ.

Dimashnews мәліметінше, көптеген музыкалық тақырыптар мен тәсілдерді пайдаланатын күрделі туынды – Димаш Құдайбергеннің үш жылдық композиторлық еңбегінің нәтижесі.

Режиссер Алина Вериптің айтуынша, бейнебаян бірнеше бөлікке бөлінген.

"Клип бірнеше бөлікке бөлінген. Біріншісі – балалық шақ. Басты кейіпкер, оның досы мен қызын балалық шақтағы оқиғалар мен мәңгілік достықтың символдары байланыстырады. Бір күні досы бас кейіпкерді суға батып бара жатқанда құтқарып қалады. Дегенмен, бұл балалар арасында өзара бәсекелестік бар. Өйткені ұлдар бір қызға ғашық, ал ол біреуін таңдайды. Екіншісі белгілі бір психологиялық күйзелісті бастан кешіреді және балалық шақтағы проблемаларды тоталитаризм мен күрестің ересек әлеміне береді.

Басты кейіпкер де бірлік, татулық туралы, бірақ жақсылық пен махаббат призмасы арқылы әңгімелейді", - дейді режиссер.

Сайт мәліметінше, бейнебаян соғыс емес, бейбітшілік жайында.

"Тек соғыс бізді бейбітшілікке жетелейді. Тек ең күштілер ғана жүрегінде махаббат таба алады. Сіз әлемге еркіндік беру үшін жеткілікті күшті болуыңыз керек. Әрбір қала, әрбір үй біртұтас әлем. Біз осы жаңа өмірді бастауға дайын адамдарды басқарамыз. Қарсылық көрсеткен адамға жанымызда орын жоқ. Мен еркіндікті таңдаймын. Менің алдымда дүние ашық, мен оны саған бергім келеді. Адамдар үшін соғыс – бірлікке апаратын жол", - деп түсіндірді бейнебаянды Dimashnews.

Мақаланың түпнұсқасы: https://kaz.nur.kz/showbiz/1989495-dimas-qudaibergen-sogys-turaly-video-tusirip-xalyqty-birlikke-saqyrdy/