Ерке Есмахан: Парижге мәңгілік махаббатыммен бардым (фото)

Отандық әнші Ерке Есмахан әлеуметтік желіде сүйіктісін көрсетпегенімен, оның бар екенін үнемі айтып жүреді. Бұл жолы өнер иесі қазан айында Парижге сүйіктісімен саяхат жасағанын мәлім етті, деп жазады KAZ.NUR.KZ.

Бұл жайлы әнші Instagram парақшасында жазды.

"Париж - менің бала күнгі арманым. Махаббаттың қаласына "тек сүйіктіммен барамын" деп кішкентай кезімде мақсат қойғанмын.

Қанша жыл өтсе де, қанша жол түссе де бармайтынмын. Арманым орындаларына сеніп, қимайтынмын. Міне, мәңгілік махаббатыммен 2022 жылы бардым. Жыл соңына таяп қалған соң ойланып, қорытындылап, шүкірлік жасап отырғаным ғой", - деп жазды Ерке Есмахан.

Естеріңізге сала кетейік, Ерке Есмахан биылғы жылдың қазанында Париж қаласына барған болатын. Әнші оқырмандарымен демалыс сәтін бөлісіп отырды.

Ал Рим қаласына барған әнші романтикалық суреттерімен бөлісіп, көпшілікті қызықтырып қойды.