"Бригада" сериалына түскен актер Фархад Махмудов қазір қайда жүр (видео)

Актер, "Бригада" сериалындағы көпшіліктің сүйікті кейіпкері Фархад Махмудов он жылдан бері кино әлемінен алыстап кеткен. Актер "Менің өмірім" бағдарламасында көпшілік көзінен таса болу себебін бөлісті, деп жазды KAZ.NUR.KZ.

"Біз "Бригада" сериалының кейіпкерлері елдің кумиріне айналады деп ойламадық. Біз ол оқиғалар көз алдымыздан өткендіктен, рөлде ойнау қиын болмады.

Кинодан он жылдай көрінбей кетуімнің себебі, мен театр саласына кеттім. Киноның да, театрдың да өз орны бар. Бәрі балаң сияқты, театр мен киноны бөліп қарастыра алмаймын", - деді актер.

Сонымен қатар ресейлік актер туған жері Өзбекстанның "Барон" фильміне түсуге неліктен келіскенін де айтты.

"Бұл 2015 жылдар болатын. Оған дейін жиырма жылдай Ресейде болдым. Осыған дейін мені ешкім туған жеріме фильмге түсуге шақырмаған. Мен үшін бұл жағымды жаңалық болды да, ештеңе сұрамастан, бірден келісім бердім.

Менің бірден келісім беруімнің себебі де, ұсыныстың туған жерімнен болғандығы. Өте әдемі өзбекстандық, отандық фильм шықты", - деді Фархад Махмудов.

Актердің айтуынша, ол Қазақстанға арнайы фильмнің тұсаукесері үшін келген.