Мадина Сәдуақасова қоныстойын жасады (фото)

Әнші Мадина Сәдуақасова осыдан бірнеше ай бұрын жаңа үйге көшкен. Алайда қоныстой жасап үлгермеген өнер иесі жақында қонақ шақырып, үлкендердің батасын алғанын жеткізді, деп жазады KAZ.NUR.KZ.

Бұл жайлы Сәдуақасова Instagram парақшасында айтып берді.

"Ұят болды.. Жаңа үйге көшкенімізге 5 ай болды, алайда бір қонақ шақыра алмай жүрдім.

Үлкен кісілер келіп, үйді көріп, менің дайындаған бешбармағымның дәмін татты. Осы кісілердің батасын алып, демалып отырмыз. Қонағым үзілмесін, дастарханымыз тек жақсылыққа жайылсын", - деп жазды әнші.

Естеріңізге сала кетейік, Мадина Сәдуақасова туған күнінде өзіне ерекше сыйлық жасап, Алматыдан пәтер сатып алған болатын.