"Жолдасымның ұлдары": Айжан Нұрмағамбетова бауырына басқан екі баласы жайлы айтты (видео)

Отандық танымал әнші Айжан Нұрмағамбетова отбасы жайлы құпиясын бөлісті. "1001 түн" бағдарламасына келген әнші ұлы Диастан бөлек жолдасының екі баласын бауырына басқанын айтып берді, деп жазады KAZ.NUR.KZ.

"Олар - жолдасымның ұлдары. Солай болды енді. Мұны бір бағдарламада айтқан емеспін. Оны қайдан білесіңдер? Олар үлкен болатын. 8 және 11 жаста еді. Мен олардың мұрынын сүрткен емеспін. Қазір үлкен кісілер.

Мен олардың оқуын төледім, тойын жасадым. Қанша немерем бар екенін айтпай-ақ қояйын, көз тиеді", - деді әнші.

Естеріңізге сала кетейік, осыған дейін Айжан Нұрмағамбетова тойға шығатын әншілерді сынап тастаған болатын.