"Кейде әдейі айтамын": Алмат Сақатов желіде қызу талқыға түскен сөзін түсіндірді

Осыған дейін "Бауыржан шоу" театры арқылы танылған актер Алмат Сақатовтың жақсы әйел қандай болуы керектігін айтқан болатын. Өнер иесі қоғамда қызу талқыға түскен сөзін "1001 түн" бағдарламасында түсіндірді, деп жазады KAZ.NUR.KZ.

Актердің айтуынша, әйелдің тілі ұзарса, еркектің қолы ұзарады.

"Жақсы әйел шыдамды болуы керек. Болды. Егер сабаса, ұрса, күнде арақ ішіп жүрсе, түсінемін. Бірақ еркек оған жетуі керек. Ал еркектің қолы қай кезде ұзарады? Әйелдің тілі ұзарғанда... Әйел шыдаса, тілі ұзармай, тыныш жүрсе, ақылды еркек өз орнына келеді. Шыдау керек, шыдамдылық. Басқа ештеңе керек емес бұл жерде. Күйеуің қыдырып кетті ме, қаңғып кетті ме? Шыда. Өйткені айғайлап, "жағаң помада болып келіпті" деп, бетің ашылады", - деген болатын Алмат Сақатов.

Актер желіде қызу талқыға түскен осы сөзін көпшілікке қайта түсіндіре кетті.

"Енді "Бақаның да өз пікірі болады" деп айтады ғой. Біреу сөйтіп қабылдайды деп үндемей отыра алмаймын. Сондай адаммын. Тентектеу адаммын. Бұл жерде былай ғой, сіздің айтып отырғаныңыз да, менің айтып отырғаным да - дұрыс. Әр адамның өз көзқарасы бар. Таяқ жемес үшін тіліңді қысқарт деп түсінуге болады немесе ол кісінің миын ашытып не қыласың? Мүмкін саған сабырлық керек шығар деп те түсінсе болады. Бұл жерде әйелді бір бұрышқа тығу емес.

Естіп отырған адам миын қозғасын. Қарсы сөйлеп, менімен ұрысатын адам болады. Мен кейде әдейі айтамын. Пікірлерді оқимын, ұрысады, балағаттайды. Бірақ, мен оларға қарсы шықпаймын. Сенікі дұрыс емес деп айтпаймын. Өйткені, әркімнің өз пікірі болуы керек", - деді Алмат Сақатов.