"Мұндай сынақ бермесін": Қуандық Рахым Төреғали Төреәлі ісіне қатысты пікір білдірді

Отандық әнші Төреғали Төреәлі Алматыда есірткіге мас күйде полицияға ұсталған болатын. Кейінірек әнші 20 тәулікке қамауға алынып, 7 жыл мерзімге көлік басқару құқығынан айырылды. Әншінің өнердегі әріптесі Қуандық Рахым Instagram желісінде осы оқиғаға қатысты пікір білдірді, деп жазады KAZ.NUR.KZ.

"Пенделіктің қашан да түп-түзу шықпайды есебі. Содан соң туады жала мен өсегі. Алла қаласа, су да жанады. От та өшеді. Алла қаласа, күрмеудің түйінін шешеді.

Ақтап алып жатқан жоқпын. Бірақ Аллам енді мұндай сынақ бермесін", - деп жазды Қуандық Рахым.

Естеріңізге сала кетейік, күні кеше әлеуметтік желіде Lexus көлігі жүргізушісінің ұсталған сәті тарап кетті. Оқиға куәгерлері ұсталған азаматты қазақстандық танымал әнші екенін айтуда. Ал кейінірек бұл ақпаратты полиция растап, мәлімдеме жасады.

Ал кешірек әнші Төреғали Төреәлінің 20 тәулікке қамауға алынып, 7 жыл мерзімге көлік басқару құқығынан айырылғаны белгілі болды.

Сонымен қатар танымал заңгер Айгүл Орынбек Төреғали Төреәлінің үстінен қылмыстық іс ашуды талап етті.