Жақында Ая Шалқармен айырылысқан Асқар Ілиясов қарым-қатынас жайлы айтты (видео)

Жақында Ая Шалқармен айырылысқан актер Асқар Ілиясов "Revue News" бағдарламасында қарым-қатынасқа қатысты ойын айтты.

Өнер иесі жақын адамымен ұрыс-керіс болған жағдайда түсініспеушілікті басу жолдарын атады.

"Мен сөйлеймін. Диалог ашуға ыңғайсыз тақырыптарды көтеруді үйреніп жүрмін. Біріншіден, қарама-қарсы тұрған адамды естуге тырысу керек. Ең бастысы осы.

"Жұбайымды өмірімде бір рет болса да естіп көрейінші" деу керек. Есту және айту жағынан ол да маңызды, тек шындықты айту керек", - деді ол.

Айта кетейік, осыдан бірнеше ай бұрын Ая Шалқар желіде актермен айырылысқанын хабарлаған еді. Ал Асқар Ілиясов өзінің абьюзер емес екенін айтып, модельді бірге сұқбат беруге шақырды.