Top.Mail.Ru

Сайт нұсқасы

ru kz

Зектілері

"Күйеуімнің қолы күректей": Жеңіс Ысқақова тұрмыстағы зорлық-зомбылық туралы айтты

Опубликовано:

Жеңіс Ысқақова
Фото: Instagram/zhenisiskakova

Қазақ эстрадасының жарық жұлдызы Жеңіс Ысқақова соңғы кезде қоғамда қызу талқыланып жатқан зорлық-зомбылық мәселесіне қатысты пікір білдірді. Өнер иесі өз отбасында әйелге қол көтеру жағдайлары болмағанын айтты, деп жазады KAZ.NUR.KZ.

Жеңіс Ысқақова отбасылық өмірі туралы сыр шертіп, күйеуі екеуі жанжалдарды қалай шешетінін айтты. Өнер иесі қанша келіспеушілік болса да, жолдасы өзіне қол көтеріп көрмегенін жеткізді.

"Әйел тілінен тапты деп жатады. Бірақ сол тілді шығарған кім екен? Әйел сөйлей береді. Көріп тұрсың ба? Бұрыл да, кетіп қал. Менің де тілім жаман. Кейде мен де күйеуіме тіл тигеземін. Сол кезде жолдасым маған қарап тұрады да, бұрылып кетіп қалады. Үйде күйеуім бастық. Мен көп сөйлеймін. Маған ешқашан қол көтермеген. Ол спортшы ғой, қолы күректей. Ол бір ұрса "соңғы аялдамадан" бір-ақ шығамын-ау. Нағыз ер азамат әйелмен санаспай, шығып кету керек. Менің әкем де сондай кісі болатын. Анам мың сөйлегенде әкем бір сөйлемейтін. Сол кезде мінезім анама ұқсамаса екен деп тілейтінмін. Бірақ түбірі неде екенін білмеппін. Демек әкемнің өз қателіктері болған", - деді әнші "Adal adam" подкастында.

Айта кетейік, бұған дейін Жеңіс Ысқақованың қылмыс әлемінің серкелерімен қалай дос болғанын жазған болатынбыз.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/showbiz/2119380-kuieuimning-qoly-kurektei-zhengis-ysqaqova-turmystagy-zorlyq-zombylyq-turaly-aitty/