"Әбден жыладым": Мақпал Исабекованың баласы ауруханаға түсті

Әнші Мақпал Исабекованың екі жасар ұлы ауруханаға түсіп қалды, деп хабарлайды KAZ.NUR.KZ әншінің Instagram-дағы парақшасына сілтеме жасап.

"Теодор оң жақ пневмониямен ауруханаға түсті. Мен онымен бірге жата алмадым. Әбден жыладым. Үйде емізулі қызым бар, ол да аздап ауырып қалды, ал оның туғанына 20 күн ғана болды", - деп жазды әнші Instagram-дағы сторисінде.

"Мен күйзеліске түстім, ұлым да осы жағдайды бастан кешіп жатыр. Қолында катетер, не болып жатқанын түсінер емес, анасының неліктен бір келіп, бір кетіп жүргенін, өзінің қайда жатқанын да түсінбей жылап жатыр", - деп жазды Мақпал Исабекова.

Еске салайық, бұған дейін әнші Мақпал Исабекова екінші сәбиін дүниеге әкелгенін жазған болатынбыз.

Мәтіннен қате тапсаңыз, бізге жазыңыз