"Соңғы кездесуіміз екенін білмедім": Айгүл Иманбаева марқұм әкесін есіне алды (видео)

Қазақстандық танымал әнші әрі актриса Айгүл Иманбаева желіде әкесімен түскен соңғы видеосын жариялап, оған әсерлі жазба арнады. Бұл туралы KAZ.NUR.KZ жазады.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Айгүл Иманбаева әлеуметтік желіде әкесімен түсірілген соңғы видеосын жариялады.
• Әнші әкесінің қайтыс болғанына бір жыл толғанын айтып, оған деген сағынышын білдірді.
• Иманбаева бұл кездесудің әкесімен соңғысы болатынын білмегенін атап өтті.

Өнер иесі асқар тауы әкесіне деген сағынышын Instagram-дағы парақшасында жеткізген. Иманбаева ерекше отбасылық видео жариялап, бұл әкесімен соңғы кездесуі болатынын білмегенін айтты.

"Осыдан тура 1 жыл бұрын, 7 тамызда әкем өмірден өтті. Жатқан жеріңіз жайлы, иманыңыз жолдас болсын, әке. Мына видео екеуміздің соңғы кездесуіміз екенін сол кезде білмедім", - деп жазды әнші.

Айта кетейік, Айгүл Иманбаеваның әкесі өткен жылы тамызда қайтыс болды. Өнер иесі соңғы жылдары әкесімен қарым-қатынасын жақсартып, оынмен жақын араласа бастаған болатын.

Эстрада жұлдызы тіпті ән кешінде барша халық алдында әкесінен кешірім сұраған еді.