"Гауһар тасы бар": Бибігүл Төлегенова Мақпал Жүнісоваға қолындағы білезігін сыйға тартты (видео)

Қазақстанның Халық әртісі, күміс көмей әнші Бибігүл Төлегенова өнердегі әріптесі Мақпал Жүнісоваға қолындағы білезігін сыйлап, оған ақ тілегін айтты. Бұл туралы KAZ.NUR.KZ жазады.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Бибігүл Төлегенова Мақпал Жүнісоваға қолындағы гауһар тасы бар білезігін сыйға тартты.
• Мақпал Жүнісова әлеуметтік желіде осы сәтті бейнеге түсіріп, жариялады.
• Бибігүл Төлегенова Мақпал Жүнісоваға "Менің жасымды берсін" деп ақ тілегін айтты, ал желі қолданушылары қос әртістің сыйластығына риза болды.

Ерекше сәттің видеосы Tik-Tok әлеуметтік желісінде жариялаған. Кейін Мақпал Жүнісова аталмыш бейнежазбаны Instagram-дағы парақшасында бөліскен. Онда эстрада жұлдызы Бибігүл Төлегенова өзіне гауһар тасы бар білезігін сыйға тартқанын айтып, оған алғысын айтты.

"Қолындағы гауһар тасы бар білезігін маған сыйлыққа беріп жатыр. Елдің анасы деп осындай кісілерді айтады. Көп рақмет", - деді Жүнісова.

Бибігүл Төлегенова өнердегі әріптесіне "Менің жасымды берсін" деп ақ тілегін айтқан.

Желі қолданушылары қос әртістің сыйластығына риза болып, оларға жылы лебізін білдірді. 

"Қандай құрмет көрсетті, керемет!", "Мақпал апай қандай сыйға болса да, лайық", "Бір-бірін күндемей, осылай сыйласып жүргенге не жетсін?!", "Бриллиант білезікті шешіп бере салды ма?!", "Бас иіп, құрмет көрсеткені әсерлі болды", – деп жазды оқырмандар.