"Жігіттерге сене бермеймін": Балжан Бидаш жеке өмірі туралы сыр шертті

Қазақстандық танымал әнші Балжан Бидаш желіде оқырмандарымен сырласып, жеке өмірі туралы жан сырын ақтарды. Өнер иесі бүгінде қарым-қатынастан "үркіп қалғанын" айтты, деп жазады KAZ.NUR.KZ.

Балжан Бидаш Instagram-дағы парақшасында сұрақ-жауап ашып, оқырмандарымен тілдесті. Некесі сәтсіз аяқталған шоу-бизнес жұлдызы бүгінде неге қарым-қатынас құрмай жүргенін түсіндірді. Әнші ару махаббатқа сенгенімен, жігіттер қауымына сенімі аса жоқ екенін жасырмады.

"Мен махаббатқа сенемін. Жігіттерге сене бермеймін. Қарым-қатынастан аздап үркіп қалғаным бар", - деп жауап берді ол.

Оған қоса өнер иесі оқырманы жолдаған хаттан кейін көзіне жас алып қалды.

"Сізді тек бақытты шағыңызда көргім келеді" , - деген хабарлама жазды желі қолданушысы.

"Мына сөзді оқып, жылап қалдым. Сіздердің махаббаттарыңыз мені бақытты етеді", - деп жазды Балжан Бидаш.

Сонымен қатар шоу-бизнес өкілі өткен өмірін еске алды.

"Осы кездегі Балжанды қатты құшақтағым келеді. Ешкімге өкпем жоқ. Керісінше, өмірімде болған адамдарға алғыс. Солардың арқасында өмірдің құндылығын түсіндім. Бақыттымын", - деп жазды өнер иесі.

Мәтіннен қате тапсаңыз, бізге жазыңыз