"Түрімді көріп, шошымаңыздар": Дина Төлепбергеннің жаңа образы қызу талқыға түсті (видео)

Отандық танымал тележүргізуші Дина Төлепберген желіде жаңа образын көрсетіп, елді шошытты. Үй-күйсіз жүрген әйелдің кейпіне енген БАҚ өкілі елдің қызу талқысын тудырды, деп жазады KAZ.NUR.KZ.

Дина Төлепберген Instagram-дағы парақшасында жаңа видео жариялап, көпшілікке ерекше образын көрсетті. Бейнежазбада тележүргізушінің үй-күйсіз жүрген келіншектің образына енгенін көруге болады.

"Түрімді көріп, шошымаңыз. Өзімнің жаңа бағдарламамның соңын Тіріғали мен Мағрипа аяқтасын деп шештік. Расында, әр бейнеге ену – түйсігіңді тереңдетуге жетелейді екен. "Неге осы образ?" деп ойланып көріңізші. Бұл жай ғана кейіп емес, жүректен шыққан үн. Ойыңызды бөлісіңіз – бәлкім, сіздің пікіріңізде шындықтың өзі жатқан шығар", - деп жазды БАҚ өкілі.

Желі қолданушылары Дина Төлепбергеннің образын қызу талқылап, түрлі пікір қалдырды.

"Нағыз талант иесі екенсіз", "Дина ханым, шошыттың ғой", "Бәрін образбен күшті алып шықтыңыз", "Оқымаған актриса болып тұрсыз", "Керемет актерлік шеберлік, жарайсыз", "Түрі не болып кеткен деп шошып кеттім ғой", "Бұлай шошытпасаңызшы", - деп жазуда көпшілік.