Майра Мұхамедқызы бастаған шымкенттік өнерпаздар Норвегияда мәдени шара ұйымдастырды (видео)

Биыл 13-15 қарашада Қазақстанның халық әртісі Майра Мұхамедқызы бастаған шығармашылық топ Норвегияның Осло және Берген қалаларында арнайы мәдени шара ұйымдастырды. Бұл туралы KAZ.NUR.KZ Шымкент қалалық Өңірлік коммуникация қызметіне сілтеме жасап хабарлайды.

ӨКҚ Instagram-дағы мәліметіне сүйенсек, іс-шараның салтанатты ашылу рәсімінде Қазақстанның Норвегия Корольдігіндегі төтенше және өкілетті елшісі Әділ Қапанұлы Тұрсынов сөз сөйлеп, қазақстандық өнерпаздарды таныстырып, шараның маңыздылығын атап өткен.

Мерекелік кешке Норвегияның мемлекеттік министрлері, мәдениет қайраткерлері, дипломатиялық корпус өкілдері және қазақ диаспорасы қатысқан.

"Кеш аясында қазақтың халық әндері мен күйлерінен тұратын концерттік бағдарлама ұсынылды. Шетелдік қонақтар ұлттық өнерге тәнті болып, Шымкенттің гастрономиясын да тамашалады.

Сонымен қатар, делегация жетекшісі Мөлдір Оңдасынованы елші Әділ Тұрсынов ресми қабылдады. Кездесу барысында Шымкент пен Берген қалалары арасында бауырластық қарым-қатынас орнату мәселесі талқыланып, алдағы бірлескен жобалардың жоспары жасалды",- делінген хабарламада.