"Құны – 7 млн теңге": Ақбота-Нұр Сейітмағамбет өзіне қымбат сыйлық жасады (фото)

Қазақстандық танымал әнші, актриса әрі тележүргізуші Ақбота-Нұр Сейітмағамбет өзіне қымбат сыйлық жасады. Өнер иесі өзін қуанту үшін 7 млн теңге жұмсаған, деп жазады KAZ.NUR.KZ.

Ақбота-Нұр Сейітмағамбет бұл жаңалығын Instagram-дағы парақшасында жария етіп, өзіне жасаған аса қымбат сыйлығын көпшілікке көрсетті.

Шоу-бизнес жұлдызы көптен бері қалап жүрген Cartier брендінен сағат сатып алған. Оның құны – 7 млн теңге.

Әнші аталмыш дүкенге барған сәтінен фото жариялап, қуанышын оқырмандарымен бөлісті.

Айта кетейік, бұған дейін Ақбота-Нұр Сейітмағамбет жеке өміріндегі жаңалығын жария етіп, елді ойландырып қойған болатын. Өнер иесі ақ көйлек кию өзіне де бұйырғанын айтып, бақытты күні жақындап қалғанын жеткізді.

Мәтіннен қате тапсаңыз, бізге жазыңыз