Қазақстандық танымал тележүргізуші әрі актриса отбасын құрды (фото)
Опубликовано:
Танымал қазақстандық актриса және тележүргізуші Аида Жантілеуова тұрмысқа шықты. Бұл туралы оның Instagram-дағы парақшасында хабарланған. Той 26 қазан күні болды.
Айтулы салтанатының қай жерде болғанын және күйеу жігіттің есімін Аида құпия сақтап қалуды жөн көрген. Тек ол 12 қазанда өзінің туған қаласы Оралда ұзату тойының болғанын хабарлайды.
Естеріңізге сала кетейік, Аида Жантілеуова қазақстандықтарға "Хабар" телеарнасындағы "Жаңа күн" бағдарламасы және танымал "Базарбаевтар" телехикаясы арқылы жақсы таныс.
2009 жылдан Аида Алматыдағы Ғабит Мүсірепов атындағы балалар мен жасөспірімдер театрында еңбек етеді. Қазақ мемлекеттік қыздар педагогикалық университетін тәмамдаған.
Шыңғыс Айтматовтың "Қызыл орамалды шынарым" қойылымында Әселдің рөлін сомдағаны үшін халықаралық театр фестивалінде "Ең үздік әйел рөлін сомдағаны үшін" сыйлығын иеленді. Сондай-ақ ол Мұхтар Әуезовтың "Айқарагөз" спектаклінде ойнады.
"А.И." театрының продюсері, актрисасы әрі жетекшісі Айгүл Иманбаевамен ынтымақтастықта жұмыс жасайды. Кезінде "Іңкәр" тобының құрамында ән айтқан.
Мақаланың түпнұсқасы: https://kaz.nur.kz/showbiz/338004-kazakstandyk-tanymal-telezhyrgizushi-eri-aktrisa-otbasyn-kyrdy-foto/
