Тамара Асар тағы да атын өзгертіп жіберді

Тамара Асардың аты тағы да өзгерді. Бұған дейінгі Тамара Жанқұлова енді Томи Асар атанған.

Бұл туралы Гәкку арнасы хабарлайды.

Әнші осы жолы көрермендерімен кездесетін де басқа тәсіл ойлап тапты. Ол тыңдарманына бұрынғыдай концерт қойып бермейді. Енді әнші табыс көзіне жету тренингін ұйымдастырады.

Томидің айтуынша, табыс кілті – жүректе. Біреудің жетістігіне қызығып табысыңды арттыра алмайсың.

"Бір отбасының отанасы болып отырып, бала тәрбиелеп, жолдасыңды жұмысқа шығарып салып, күтіп алу да табыстың бір түрі" ,- дейді Тамара.

Әнші тыңдармандарын осындай бағытта ойларымен бөлісіп, емін-еркін сырласуға шақыруда.