Танымал виолончелист Болат Тыныбеков өмірден өтті

Танымал қазақстандық виолончелист Болат Тыныбеков дүниеден озды. Суық хабарды оның туысы әлеуметтік желіде жариялады. Музыкант 38 жаста еді, деп хабарлайды KAZ.NUR.KZ.

Өнер иесінің әпкесі Instagram-дағы парақшасында бауырының өмірден өткенін мәлімдеді.

"Менің ағам, белгілі виолончелист Болат Тыныбеков қайтыс болды. Соңғы кездері бір-бірімізді сирек көрсек те, оның талантына тәнті болатынмын, барынша қолдауға тырыстым", - деп жазды стористе туысы Айжан Түгелбаева.

Bolashaq қауымдастығы Болат Тыныбековтың мезгілсіз дүниеден өтуіне байланысты оның отбасы мен жақындарына ортақтасып көңіл айтты.

Қауымдастықтың Instagram-дағы ақпаратына сәйкес, Болат Тыныбеков – қазақстандық виолончелист және вокалист, Корольдік музыка колледжінің түлегі.

Мәтіннен қате тапсаңыз, бізге жазыңыз