"Жағымпаздарды суқаным сүймейді": Дариға Бадықова өзінің мінезін сөз етті

Отандық танымал актриса Дариға Бадықова желіде өзінің мінезі туралы сөз қозғады. Өнер иесі табиғатынан қатал адам екенін айтады. Алайда ол соңғы кездері жұмсарып бара жатқанын жеткізді, деп жазады KAZ.NUR.KZ тілшісі.

Дариға Бадықова өзіне қатысты көпшілік біле бермейтін тың мәліметтерді Instagram парақшасында бөлісті.

Актриса әр істің әділ шешілгенін қалайтынын айтады.

"Кейінгі кезде мінезім жұмсарып барады. Жалпы мінезім қатал, майда, пәтуәсі жоқ ұрыстарға кірісе бермеймін. Ұрыс болып жатса тоқтатуға тырысамын. Мінезім қатал, дауысым да байсалды. Шәңкілдеп айғайлай алмаймын.

Не нәрсенің әділ болғанын қалаймын. Жағымпаз мінезділерді суқаным сүймейді. Ешкіні тәте дей бермеймін. Бірақ бірбеткейлігімнің арқасында жетістік болған сияқты. Кейінгі кезде жұмсарып барамын. Көп нәрсеге көз жұмып, қойшы дейтін болыппын. Әділ болса да, болмаса да тұра беретін болыппын. Неге? Тұйықталып кетпейтін шығармын, иә? Тұйық мінезділер ұнай бермейді", - деп жазды ол.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз