"Қуанышымда шек жоқ": Мөлдір Әуелбекованың ата-анасы қажы атанды (видео)

Әнші Мөлдір Әуелбекова ата-анасы мұсылмандық парызын өтеп, үлкен қажылыққа барып келді, деп жазады KAZ.NUR.KZ тілшісі.

Мөлдір Әуелбекова ата-анасының қажылығы өтелгеніне аса қатты қуанып, өз әсерін Instagram парақшасында көрсетті.

Әнші оларды қасиетті мекеннен күтіп алған видеосын жариялаған. Онда әртістің ата-анасын әуежайда қарсы алып, құшағына басып жатқанын көруге болады.

"Ата-анам оралды. Шүкір. Қуанышымда шек жоқ. Әр қазағыма бұйырсын! Әмин. Ата-анамның 5-парызы үлкен қажылықтары өтеліп, қажы атанды! Алла қабыл етсін", - деп жазды ол.

Айта кетейік, бұған дейін Мөлдір Әуелбекованың ата-анасына ерекше сыйлық жасағанын жазған болатынбыз. Эстрада жұлдызы өзін өмірге алып келген жандардың асқақ арманын орынжап, оларға үлкен қажылыққа жолдама тарту еткен еді.

Мәтіннен қате тапсаңыз, бізге жазыңыз